एसपीले खनाललाई झपार्दै भने–“मनपरी जग्गा बाँड्ने को हो ?”, कानुनी प्रक्रियामा जान्छु : खनाल

पोखरा, १० पुस । पहिलानै कास्की ट्राफिकलाई दिएको जग्गामा पोखरा उपत्यका नगर विकास समितिले पुनः टेण्डर खोलेर अर्कैलाई दिन थालेपछि, कास्की प्रहरी प्रमुख हरिबहादुर पालले समितिका अध्यक्ष प्रकाश खनालको सातो लिएका छन् ।
घटना करिब एक हप्ता अघिको हो । नगर विकासले खोलेको टेण्डर सवारी साधन चलाउन सिकाउने एउटा कम्पनीले पारेर काम गर्न सुरु गरेको थाहा पाएपछि, एसपी पाल सोही स्थानमा पुगेका थिए ।
त्यसपछि, उनले ट्राफिकलाई दिइएको जग्गामा तारबार लगाउन लगाएर, जहाँ जान परे पनि आफु नजाने तर ट्राफिकलाई प्राप्त भइसकेको ब्यापारीक प्रायोजनका लागि चलाउन नदिने बताएका थिए ।news pus 10

“को हो प्रकाश खनाल ? मनपरी सरकारी जग्गा, त्यो पनि अरुलाई दिइसकेको बाँड्ने ?” – एसपी पालले भनेको कुरा उदृत गर्दै स्रोतले पोखरा हटलाइनसँग भन्यो–“अरु सरकारी जग्गा संरक्षण गर्नेकै जग्गा हडप्न खोज्ने ? हेरौला कसले लैजादौ रहेछ ।” स्रोतका अनुसार टेण्डर पारेर काम गरिरहेकाहरुको काम रोक्न प्रहरी गएपछि, उनिहरुले अध्यक्ष खनाललाई बोलाएका थिए । खनाल आएपछि, काम रोक्न गएका प्रहरीले एसपीलाई खबर गरे । एसपी आउने खबर पाएपछि, अध्यक्ष खनाल त्यहाँबाट हिँडेका थिए । वि.सं. २०६२ सालमा बसपार्कमा रहेको ट्राफिक कार्यालय हटाउने बेलामा, पृथ्बीचोक नजिकैको जग्गा ट्राफिकलाई दिने निर्णय भएको थियो । उक्त निर्णय तत्कालिन अध्यक्ष बिष्णु बाँस्तोलाको अध्यक्षतामा बसेको बैठकले कार्तिक १४ गते गरेको थियो । उक्त निर्णय अनुसार पृथ्बीचोकमा पूर्वतर्फ चाइना हेनानको अग्लो पर्खाल, पश्चिमतर्फ सामुदायिक सहारा क्लबको बाटो, उत्तरतर्फ प्रर्दशनी केन्द्रको पर्खाल र दक्षिणतर्फ टिम्बर कर्पोरेशनको जग्गाको सीमाना भनेर किटान भएको थियो ।
नगर विकास समितिले जग्गा दिने निर्णय गरेपछि, ट्राफिकले बोर्ड समेत राखेको थियो । तर टेण्डर प्राप्त गरेका ब्यक्तिहरुले बोर्ड हटाएर काम सुरु गरेका थिए ।
समितिका अध्यक्ष प्रकाश खनालले एसपी पालले आफुलाई हकारेको कुरा अरु मार्फत सुनेको भन्दै आफ्नै कानले नसुनेको कुरालाई आफुले गम्भिर रुपमा नलिने बताए ।
उनले बि.सं. २०६२ सालमा जग्गा दिने निर्णय भएपनि, ट्राफिक प्रहरीले जग्गा लिने बारेमा प्रक्रिया केही सुरु नगरेको र पछि ट्रक संचालक समितिले भाडामा लिइरहेकाले धेरै रकममा पुनः टेण्डर आह्वान गरिएको बताए । उनले प्रहरीले जग्गा कब्जा गरेको भन्दै कानुनी प्रक्रियामा जाने पोखरा हटलाइनसँग बताए ।
एसपी पालले कुनै हालतमा ट्राफिकलाई प्राप्त भइसकेको जग्गा अरुलाई भोगचलन गर्न नदिइने भन्दै कानुनी प्रक्रियामा जान कास्की प्रहरी पनि तयार रहेको बताए ।
“ट्राफिक प्रहरी कुन हालतमा बसेका छन् । सबै पोखरेलीले थाहा भएकै कुरा हो”–एसपी पालले पोखरा हटलाइनसँग भने–“बर्षायाममा पानीमा रुझेर बस्ने । सुत्नका लागि खाट नभएर भुइमा सुत्नु पर्ने अवस्थामा रहेका ट्राफिकलाई दिइएको जग्गा खोस्ने काम सह्य हुँदैन ।”

Comments are closed.