मीनराज बसन्त
…………
मानौँ,
तिमी र म आगो–आगो हौँ
जल्छौँ, आ–आफ्नै अहमले
भर्भरिन्छौँ–हाम्रै स्वभावले ।
मानौँ–
तिमी र म आगो–घ्यू हौं
दन्किन्छौं–
आगोमा घ्यू थपिएर वा,
घ्यूमा आगो झोसिएर ।
मानौँ–
तिमी र म घ्यू–घ्यू हौँ
जो, एकर्कामा प्रयोग भइरहन्छौं ।
मानौं–
तिमी र म आगो–पानी हौं
निभ्छौँ आफ्नै संयमताले ।
मानौं–
तिमी र म पानी पानी हौँ
चिसिन्छौँ– पारस्परिक गुणवत्ताले ।
र मानौँ– कोहि पनि होइनौं
तिमी हामी
न म चिन्दछु तिमीलाई
न मलाई चिन्दछौ तिमी ।
Comments are closed.