‘किन लायौ पिरती झुठो’ को छायांकन सकियो

‘किन लायौ पिरती झुठो
तिम्लाई प्यारो पैसाको मुठो
सम्झी सम्झी रुन्छु
विपनीमा छोडेर गए नि सपनीमा तिमीसँगै हुन्छु’

हालसालै ‘बोर भयो मायालु गितार बजाइदेउ’ गीतको म्यूजिक भिडियो सार्वजनिक गरेका गायक/सञ्चारकर्मी राजेश बर्देवाको अर्को गीतको म्यूजिक भिडियोको छायांकन पोखरामा सम्पन्न भएको छ ।
‘किन लायौ पिरती झुठो’ बोलको उक्त गीतमा महिलातर्फ चर्चित गायिका जुना श्रीसको आवाज रहेको छ । निकै नै मन छुने शब्द रहेको उक्त गीतको म्युजिक भिडियो छिट्टै बजारमा आउने र यसले दर्शक/श्रोताहरुको मन जित्ने कुरामा आशावादी रहेको गायक राजेश बर्देवा बताउँछन् ।
अपिल त्रिपाठीको निर्देशन रहेको उक्त म्यूजिक भिडियोको छायांकन सरोज अधिकारीले गरेका छन् भने भिडियोमा निर्मल केसी, रिना शाही, अमृत श्रेष्ठ लगायतले अभिनय गरेका छन् ।
फलानो क्रिएशनले निर्माण गरेको उक्त भिडियो पोखराको विभिन्न स्थानमा छायांकन गरिएको क्रिएशनका प्रोडक्सन को–अर्डिनेटर सन्तोष परियारले बताए ।