पोखरा हटलाईन
स्याङ्जा, २ असार
स्याङ्जाको बिरुवा गाउँपालिका वडा नं. २ स्थित श्री जामुनडाँडा माध्यामिक विद्यालयमा बनेको क्वारेन्टीनमा बसेका नै त्रसित भएका छन् । क्वारेन्टीनमा बसेको २२ दिन बितिसक्दा समेत कुनै निकायले समन्वय नगर्दा उनीहरु त्रसित भएका हुन् ।
विद्यालयको भवनमा आधारभूत संरचना तयार नगरि नाम मात्रको क्वारेन्टीन भनिएको छ । हामीलाई सुत्न सामान्य म्याट मात्र दिईएको क्वारेन्टीनमा विगत २२ दिनदेखि बस्दै आएका स्थानीय बिशाल राना मगरले क्वारेनटीन कष्ट भोग्दै बस्नु परेको सुनाए ।
“म नयाँदिल्ली गएको थिए फर्केर आएपछि क्वारेन्टीनमा बसेको १६ दिन बित्यो ।” स्थानीय हेम थापाले भने, “क्वारेन्टीन बाख्राको खोर जस्तो छ, आधारभूत सुविधा केहि छैन् ।” खान बस्नुको दुःख त थियो नै स्वाब लिएर गएको पनि १० दिन भयो रिपोर्ट नआउँदा थप त्रसित बन्नु परेको थापाले बताए ।
क्वारेन्टीन भवनको शौचालय दुर्गन्धित छ सरसफाई गर्न समेत कोहि नआएको उनले बताए । क्वारेन्टीनमा समस्या छ समस्याको सम्बोधन गरिदिन प¥यो भन्दा गाउँपालिकाले बजारमा केहि सामान पाईएको छैन् भन्छ क्वारेन्टीनमा सेनिटाईजर समेत नभएको थापाले जानकारी दिए ।
“एउटै कोठामा ५/७ जनालाई राखेको छ, एउटा संक्रमित भए सबै संक्रमित हुने डर छ ।” जेठ १३ गते भारतबाट आएर क्वारेनटीनमा बसेका गणेश राना मगरले भने, “क्वारेनटीनमा बसेको २०/२२ दिन भईसक्यो डरैडर लागेको छ ।” खाजा, खाना, पानी, सुत्ने ठाउँ सबै अभाव छ रातिभर लामखुट्टेले टोकेर सुत्न सकिदैन् उनले भने ।
क्वारेन्टीन बनेका ठाउँहरुलाई सुधार गर्दै लगेको बिरुवा गाउँपालिकाले जनाएको छ । शुरु शुरुमा निर्माण भएका क्वारेन्टीनमा केहि अभाब भएकै होला तर समय पाएपछि र गुनासो आएपछि सुधार गरेको गाउँपालिकाले जनाएको छ । गाउँपालिकाका अनुसार तत्कालै क्वारेन्टीनको सक्दो सुधार गरिने भएको छ ।
स्याङ्जाबाट संक्रलित स्वाब पोखरा पठाईएको छ तर रिपोर्ट आउन बाँकी रहेको जिल्ला स्वास्थ्य कार्यालय प्रमुख यामप्रसाद शर्माले बताए । पोखरास्थित विधि विज्ञान प्रयोगशालामा संकलित स्वाब परिक्षणको क्रममा रहेको उनले जानकारी दिए । केहि दिनमा रिपोर्ट आउन सक्ने शर्माले बताए
Comments are closed.