जेष्ठ नागरिक मिलन केन्द्र ब्यास-३ को १५ औं बार्षिक साधारणसभा एवं ५ औ अधिवेशनको उद्घाटन समारोह सम्पन्न

पोखरा हटलाइन,

जेष्ठ नागरिक मिलन केन्द्र ब्यास-३ को १५ औं बार्षिक साधारणसभा एवं ५ औ अधिवेशनको उद्घाटन समारोह सम्पन्न भएको छ। जेष्ठ नागरिक मिलन केन्द्रको सभाकक्षमा आयोजना गरिएको उक्त अधिवेशनको उद्घाटन ब्यास नगरपालिकाका प्रमुख बैकुण्ठ न्यौपानेले गर्नु भएको थियो ।उद्घाटनका क्रममा बोल्दै प्रमुख अतिथि न्यौपानेले आम जेष्ठ नागरिकहरुलाई सबैले मिलेर सहयोग गर्नुपर्ने बताउनुभयो ‘हामी जो कोही पनि बृद्धअबश्थामा पुगिने भएको हुदा बृद्धबृद्धहरुलाई सम्मान गर्नुपर्छ’ ।
जेष्ठ नागरिक मिलन केन्द्रका पुर्व सचिव ऋषिराम दुङ्गानाले शुभकामना मन्तब्यका क्रममा बोल्दै बृद्धहरुलाई नेपाल सरकारले दिने सेवा सुविधाहरु छिटोछरितो तरिकाले दिनुपर्ने बताउनुभयो । बृद्धअवस्थामा रहेका बृद्धहरुलाई यातायातमा दिईने ५० प्रतिशत छुट सेवा नदिएको र सरोकारवाला निकाय कार्यनयन हुन जरुरी भएको साथैे आगामी दिनहरुमा पनि विविध सहयोग आजीवन रहने जानकारी दिनुभयो ।


विजुली महशुल तिर्न जाँदा लाईनमा बस्नुपर्ने ,अस्पतालमा लामो समय उभिएर जेष्ठ नागरिकले टिकट काट्नुपर्नै,खानेपानीको शुल्क तिर्दा समेत लामो समय उभिरहदा स्वास्थ्य समस्याका कारण विभिन्न समस्या भोग्न बाध्य हुनु दुखद् भएको जेष्ठ नागरिक मिलन केन्द्रका सदस्य बाबुराम पौडेलले बताउनुभयो ।
बृद्धअबश्थाका बृद्धबृद्धहरु दिवा सेवामा भजन कृर्तन गाउने,सत्सघमा सहभागी रहने, धार्मिक पुस्तक पढ्ने र समयसमयमा विभिन्न धार्मिक एब्म् ऐतिहासिक तिर्थ स्थलहरुमा वार्षिकरुपमा अवलोकन भ्रमण गरिदै आएको बताए । दिवा सेवाका अवसरमा चिया विस्कुट र फलफूल दैनिक दिने ब्यवस्था गरिएको जानकारी अध्यक्ष गिरीले दिनु भएको छ ।


कार्यक्रमको संचालन जेष्ठ नागरिक मिलन केन्द्रका सचिव गोविन्द गिरीले गरेका थिए भने उक्त कार्यक्रममा कुल ४ सय३२ जना जेष्ठ नागरिकहरुको उपस्थिति रहेको थियो ।
कार्यक्रममा ब्यासका अध्येता काशीनाथ न्यौपाने ,जेष्ठ नागरिक मिलन केन्द्रका संस्थापक अध्यक्ष देवनिधि पन्थ, जेष्ठ नागरिक मिलन केन्द्रका निवर्तमान सहसचिव रामलाल श्रेष्ठ ,ब्यास क्षेत्र शिवपंचायन विकास कोषका उपाध्यक्ष प्रेमप्रकाश भट्टराई ,महिला विकास शाखाकि निरीक्षक राधा वाग्ले लगाएतका बक्ताले शुभकामना मन्तब्य राख्नुभयो ।

Comments are closed.