पोखरामा हाटबजार शैलीको ‘आभ्या स्याटर्डे मार्केट’

‘आभ्या स्याटर्डे मार्केट’ मा सहभागिहरुको संख्या बढ्दै

मंसिर १७,पोखरा,

पोखराको घारिपाटन स्थित आभ्या क्लवले शुरु गरेको ‘आभ्या स्याटर्डे मार्केट’ मा सहभागिहरुको संख्या बढ्दै गएको छ । पोखरा र आसपासका घरेलु उत्पादनको बजारिकण गर्दै उत्पादित सामान सिधै ग्राहक समक्ष पुर्याउने उद्येश्यका साथ सञ्चालित मार्केटमा स्टल राख्ने व्यवसायी तथा उपभोक्ताहरुको उपस्थिती बाक्लिंदै गएको हो । गत हप्तादेखि क्लव परिषरमा यो मार्केट शुरु भएको थियो । परम्परागत रुपमा सञ्चालन हुने ‘हार्ट बजार’ कै कन्सेप्टमा शुरु गरिएको आभ्या मार्केटमा पोखरा र वरपरका कृषी उत्पादन फलफुल, तरकारीदेखि मोटरसाइकल सम्मका स्टलहरु रहेका छन् ।

रेष्टुरेण्ट, क्याफेका बेकरी आइटमदेखि सेलरोटी, तरकारी तथा नर्सरीका सामान पनि यो मार्केटमा पाइने आभ्या क्लवका निर्देशक किरण केसीले जानकारी दिए । मार्केटका खाल्सेका सुन्तलादेखि लोमाङथानको आलुका स्टल थिए । उच्च हिमाली क्षेत्र लोमाङथानको आलुको स्टल उपभोक्ताको रोजाइमा पर्दा व्यापारी छिमी लामा दंग थिए । ‘बाहिर पाउने भन्दा केहि सुपथ मुल्यमा बेचेको छु, हिमालको आलु उपभोक्ताले रुचाउनुभयो’–उनले भने ।

क्लवले हरेक शनिबार विहान ८ बजेदेखि दिउँसो १ बजे सम्म यहाँ यो मार्केट सञ्चालन गर्दै आएको क्लवका निर्देशक निरोज लामाले जनाए । हप्ताको एक पटक सञ्चालन हुने यो बजारमा जो केहिले पनि स्टल राख्न पाउने लामाको भनाई छ । ‘यो हाम्रो प्रयास हो, व्यवसायीहरुले ग्राहकलाई आकर्षित गर्न सक्नुभयो भने बजार पक्कै लामो समय सम्म चल्ने छ’–लामाले भने ।

Comments are closed.