२२ माघ, पोखरा
। प्रचण्ड–माधव समूहले आह्वान गरेको आम हड्तालको प्रभाव देशभरका सहरी क्षेत्रमा देखिएको छ । यसको असर पोखरामा पनि देखिएको छ ।
पोखरामा लामो दूरीका सवारीसाधन सञ्चालनमा आएका छैनन् भने अत्यावश्यक बाहेकका सवारी साधन चलेका छैनन्।
त्यस्तै पोखराका मुख्य ब्यापारीक स्थानहरूमा व्यवसायहरू संचालनमा आएका छैनन्।
पोखराका विभिन्न चोक बिरौटा चोक, जिरो किलोमिटर , पृथ्वी चोक, अमरसिंह चोक , महेन्द्रपुल , चिप्लेढुङ्गा लगाएतका स्थानमा प्रचण्ड–माधव समुहका कार्यकर्ताले प्रदशन गरेका छन्। जिल्ला प्रहरी कार्यालय, पोखराका डीएसपी सुवास हमालका अनुसार हालसम्म जिल्लामा कुनै उछृंखल गतिविधि भएका छैनन् । कसैलाई पनि पक्राउ गरिएको छैन ।
Comments are closed.