पोखरा ८ भदौ
सामााजिक संजाल ट्वीटर चलाउने पोखरेली युवाले मंगलबार साँझ पोखरामा शान्ति तथा सद्भाव र्याली निकालेका छन् । सोमबार कैलालीमा भएको घटनाप्रति दुःख व्यक्त गर्दै हातमा मैन बत्ति लिएर देशमा शान्ति र सद्भावको कामना गर्दै स्वतःस्फूर्त रुपमा उनीहरुले र्याली लिकालेका हुन् । 
पोखराको चिप्लेढुङ्गा मानव अधिकार चोकदेखि महेन्द्रपुल हुँदै फेरि चिप्लेढुङ्गा विपीचोकमा आएर सामुहिम रुपमा मैन प्रज्ज्वलन गरी कैलाली घटनामा एसएसपी लक्ष्मण न्यौपाने लगायत ज्यान गुमाएकाहरुप्रति श्रद्धाञ्जली अर्पण गर्दै मौनधारण गरेका थिए ।
पोखरेली ट्वीटेहरुले कैलाली घटनामा दोषीलाई कारवाही गर्न माग गर्दै जातीय सद्भाव र देशमा शान्ति अमनचयनका लागि ध्यान दिन राजनीतक नेतृत्वलाई आग्रह गरे । जातजाति, धर्म, बर्ग, लिङ्ग भन्दा माथि नेपाली भएर सोँच्न उनीहरुले आग्रह गरे । ¥यालीमा झण्डै ५० जना पोखरेली ट्वीटे सहभागी थिए । विभिन्न समुदायलाई भड्काउने र उक्साउने खालका गतिविधी नगर्न र देशको यस्तो अवस्थामा धैर्य तथा सम्यम भएर लाग्न उनीहरुले आग्रह गरेका छन् ।
यसैबीच पोखराको इन्जिनियरिङ्ग अध्ययन संस्थान लामाचौरमा अध्ययन गर्ने विद्यार्थीले पनि पोखरामा मंगलबार साँझ शान्ति तथा सदभाव र्याली निकालेका छन् । सोमबार कैलालीमा भएको घटनाप्रति दुःख व्यक्त गर्दै विद्यार्थी एवम् युवाहरुले स्वतःस्फूर्त रुपमा क्यामपस गेटबाट के आई सिंह पुलसम्म राष्ट्रिय झण्डासहित र्याली प्रदर्शन गरेको कार्यक्रम संयोजक सागर बस्याल र आदिप बस्नेतले जानकारी दिए ।
Comments are closed.