वडा नं ८ का नेपाली कांग्रेस र गठबन्धनको टोली चुनावी घरदैलोमा व्यस्त

पटको निर्वाचनमा गठबन्धनको उदेश्य र अर्थ नै जित्नु

पोखरा, २१ वैशाख ।
यही वैशाख ३० गते हुन गइरहेको स्थानिय तह निर्वाचनका लागि यति बेला उम्मेदवारहरु आ–आफ्नो क्षेत्रमा रहेका मतदाताहरुको घरघरमा पुगेरमत माग्दै चुनावी घरदैलो अभियानमा व्यस्त भएका छन् ।
यसै क्रममा नेपाली कांग्रेस पोखरा महानगरपालिका वडा नं ८ का वडा अध्यक्ष पदका उम्मेदवार शारदा गिरीसहितको गठबन्धनको टोलीले आजमहानगर अन्तर्गतका पशुपति टोल, जनप्रिय स्कूल क्षेत्र, अनाम मार्ग, प्रतिभा मार्ग, फिर्केलगाएतका स्थानमा रहेका मतदाता समक्ष पुगेरआफुहरुलाई मत दिएर जिताउन अनुरोध गरेको छ ।
बुधबार पशुपति टोलबाट शुरु भएको घरदैलो अभियानको क्रममा शुभ–कामना दिंदै नेपाली कांग्रेस वडा नं ८ का पुर्व सभापति दामोदर चालिसेले यस पटको निर्वाचनमा गठबन्धनको उदेश्य र अर्थ नै जित्नु रहेको भन्दै सुझबुज, ईमान्दारिताका साथ आफ्नो मत दिएर पुरै टिमलाई नै जिताउनआग्रह गर्नुभयो ।
सो अवसरमा आफ्ना भनाई राख्दै नेकपा माओवादी केन्द्रका नगर अध्यक्ष हरि नारायण गिरी (विज्ञान) ले पांच दलिय गठबन्धनका उम्मेदवारलाईअहिले पनि जिताउन नसके धेरै घाटा हुने भन्दै ३० गतेसम्म दल बिर्सिएर ईमान्दारिता पुर्वक गठबन्धनका सबैलाई जिताउन आग्रह गर्नुभयो ।यसका साथै उहांले गठबन्धन कुनै रहर, ईच्छा भन्दा पनि बाध्यताको उपज भएको बताउंदै गठबन्धन इतिहासको आवश्यकता भएको प्रष्टपार्नुभयो । केपी ओलीको घमण्ड, एमालेको दादागिरिले संघियता, गणतन्त्र, समावेशिताको घांटी निमोठ्न खोजेपछि त्यसका विरुद्ध गठबन्धनबनेकोले उहांले वडा नं ८ का ५ जना उम्मेदवारलाई जिताउनु भनेको अहिलेका लागि मात्रै नभएर भोलीका दिनमा हुने प्रदेश र संघिय चुनावसम्मगएर ५ दलिय गठबन्धनको दुई तिहाइको सरकार बनाउने अवस्थासम्म गठबन्धन रहने उल्लेख गर्नुभयो ।
गठबन्धनको टोली मतदाताको घरसम्म पुग्दा मतदाताले खुशी हुंदै आफुहरुको साथ र सहयोग रहेको भन्दै अभियानमा सरिक भई उम्मेदवारलाईहौसला प्रदान गरेका थिए । साथै अहिलेको टिमलाई सबैले मत दिएर जिताएमा यो टिमले आगामी दिनमा समाज र समग्र वडा नं ८ लाई शिक्षा, स्वास्थ्य, खानेपानी, ज्येष्ठ नागरिक, महिला, बालबालिकालगाएतको क्षेत्रमा राम्रो काम गरेर देखाउनेमा विश्वस्त रहेको केही मतदाताले चुनावी घरदैलोका क्रममा बताएका थिए ।
यसपालीको आसन्न स्थानिय तहको निर्वाचनमा पोखरा महानगरपालिका ८ मा वडा अध्यक्षमा शारदा गिरीसहित गठबन्धनको टिम चुनावी मैदानमा रहेको छ जस अन्तर्गत अध्यक्षमा गिरीसहित महिला सदस्यमा देवीमाया चालिसे, दलित महिला सदस्यमा माया नेपाली, खुल्ला सदस्यमा कृष्ण प्रसाद श्रेष्ठ र गठबन्धनको तर्फबाट नेकपा माओवादीका दामोदर सिग्देल रहनुभएको छ ।

Comments are closed.