हत्या भएकाे सहकर्मीकाे अाराेप
पोखरा, २० असार / पोखराको मणिपाल शिक्षण अस्पतालमा एक चिकित्सको छतबाट खसेर मुत्यु भएको छ । मणिपालबाटै एमबिबिएस सकेर इन्टर्नसिप गरिरहेका डा. अनिमेस ठाकुरको गएराति ९ बजे मृत्यु भएको हो । अनिमेस स्वास्थ्य मन्त्रालयका अनुगमन महाशाखा प्रमुख डा. गरिबदास ठाकुरको छोरा हुन् । 
उनी आफ्नो साथीको घरमा गएका थिए । त्यहाँ आफ्नो साथीसँग सामान्य मनमुटावका कारण उनले घरकाे करिब साँढे तिन तला माथीबाट हाम फालेकाे बतार्इकाे छ ।
तर, उनीसँगै इन्टर्न गरिरहेका अरु केही डाक्टरले पनि छतबाट धकेलेर उनकाे हत्या भएकाे आरोप लगाएका छन् । मृतकका पिता स्वास्थ्य मन्त्रालयको अनुगमन महाशाखा प्रमुख ठाक्टर गरिबदास ठाकुरले आफ्नाे छोरालाइ अरुले रिसिइवीका कारण धकेलेर हत्या गरकोे भन्दै अनुसन्धानका लागि प्रशासनसँग माग गरेका छन् ।
उनले भने, ‘हिजो राति होस्टेलकै छतमा सहकर्मीसँग बसेर खानपान गरिरहेका बेला ब्यक्तिगत रिसिइबीका कारण केही जना मिलेर धकेलेछन् । घटनास्थलमै मृत्यु भएछ ।’
‘मणिपालमै अध्ययनरत प्रेमिकासँग दुई दिनअघि मनमुटाव भएको र शनिबार राति प्रेमिकाको डेरामा गएका उनी रेलिङमा झुन्डिँदा तल खसेर मुत्यु भएको देखिन्छ’ जिल्ला प्रहरी प्रमुख हरि पालले भने । झुन्डिएका उनलाई बचाउन खोजे पनि माथि तान्न नसकिएको हुन सक्ने पालले बताए ।
उनका अनुसार त्यहाँ केही केटी डाक्टरहरु समेत थिए । सोही क्रममा सिर्जित विवादका कारण अनिमेसलाई छतबाट खसालीदिएको डा. ठाकुरको आरोप छ ।घटनाको अनुसन्धानका लागि उनीसँगै खानपिन गरीरहेका केही चिकित्सकहरुलाइ कास्की प्रहरीले सोधपुछ गरेको छ । मृतकको शबलाइ हाल पोष्टमार्टमका लागि गण्डकी अस्पतालमा राखिएको छ ।
Comments are closed.